Viðburðir

Dansandi ljóð er “ljóðasaga" sem Edda Þórarinsdóttir leik- og söngkona hefur samið og byggir hún á ljóðum úr bókum Gerðar Kristnýjar Guðjónsdóttur; Ísfrétt, Launkofi, Höggstaður og Strandir. Í Dansandi ljóðum er sögð ævisaga konu frá fæðingu til fullorðinsára. Átta leikkonur túlka líf hennar, ástir og örlög í ljóðum, dansi og tónlist.

​Ljóðskáld: Gerður Kristný Guðjónsdóttir.

Tónskáld og flytjandi: Margrét Kristín Sigurðardóttir (Fabúlu)

Höfundar hreyfinga: Ingibjörg Björnsdóttir og Ásdís Magnúsdóttir.

Leikmynda- og búningahöfundur: Helga Björnsson

Leikstjóri: Edda Þórarinsdóttir

Leikarar:

​Bryndís Petra Bragadóttir, Helga E Jónsdóttir, Júlía Hannam,

Margrét Kristín Sigurðardóttir, Rósa Guðný Þórsdóttir, Sólveig Hauksdóttir, Vilborg Halldórsdóttir, Þórey Sigþórsdóttir 

Þjóðleikhúskjallaranum 11. 12. og 15. maí 2019. og í janúar 2020

eftir Odd Björnsson í leikstjórn Sveins Einarssonar var haldinn í Hannesarholti  26. apríl og 28. apríl 2019. 

 Þrettánda krossferðin er síðasta verk Odds og að margra dómi hans merkasta og torráðnasta.  Leikstjórinn Sveinn Einarsson fylgdist með tilurð verkisns, en hann og Oddur unnu saman að ýmsum verkum til dæmis Dansleik. Krossferðin var sýnd í Þjóðleikhúsinu fyrir 20 árum. Líkt og annað stórvirki, Sonur skóarans og dóttir bakarans eftir Jökul Jakobsson fjallar verkið í kjarna sínum um heimsfrið, samið í skugga kjarnorkusprengna og Vietnamstríðs en þvi miður á boðskapur þess ekki síður við  en þegar það fyrst kom fram.

Leikstjóri: Sveinn Einarsson.

Leikarar: Andrés: Kjartan Darri Kristjánsson. Stefán: Albert Halldórsson. Seppi: Alexander Dante Erlendsson. Antonio /Bóndinn / Gógó/ Skemmtannastjórinn: Jakob Þór Einarsson. Manolo/ Munnkur/ Diogenes / Diddi: Þór Tulinius. Frúin/ Skessan: Arndís Hrönn Egilsdóttir. Klukku Kalli Karl./ Biskupinn: Þorsteinn Gunnarsson. Álfadrottning./Guðrún dóttir skemmtanastjóra /. Stúlka: Íris Tanja Flygering. Bóndakona: Þórunn Magnea Magnúsdóttir

eftir Odd Björnsson var leiklesinn fimmtudaginn 7. mars  2019  í Hannesarholti.

Dansleikur var frumsýndur í Þjóðleikhúsinu árið 1974 undir leikstjórn Sveins Einarssonar.

Þáttakendur í leiklestrinum í Hannesarholti voru:

Leikstjóri: Jakob S. Jónsson

Sögumaður: Þórunn Magnea Magnúsdóttir   

Leikarar: Alexander páfi - Sigurður Skúlason. Sesar, sonur hans - Orri Huginn Ágústsson. Jóhann, sonur hans - Kjartan Darri Kristjánsson. Lúkrezía, dóttir hans - Esther Talía Casey. Salóme, huggun hans - Íris Tanja Flygenring. Attendolo, fursti - Jakob S. Jónsson. Mirandolo/Delesta, hertogi - Hlynur Þorsteinsson. Skáldið/leikarinn - Hjalti Rúnar Jónsson

Það var við hæfi, að á 100 ára afmæli fullveldis Íslands að konur skoðuðu hlut Fjallkonunnar í sögulegu samhengi. Máti Fjallkonuna við baráttu kvenna gegnum tíðina. Það var slegið bæði á hátíðlegar og gamansamar nótur. Er Fjallkonan einungis fríð eða getur hún haft hátt ? Því var svarað í sýningunni í ljóði, með tónum og tali.

Handrit: Helga Thorberg, Leikstjóri: María Sigurðardóttir, Tónlist: Aðalheiður Þorsteinsdóttir, Hreyfingar: Ásdís Magnúsdóttir, Búningar: Helga Björnsson, Aðstoð við búninga: Rannveig Eva Karlsdóttir.

Leikarar: Halla Margrét Jóhannesdóttir, Helga Thorberg, Lilja Þórisdóttir, Margrét Rósa Einarsdóttir, Rósa Guðný Þórsdóttir, Salvör Aradóttir, Þórey Sigþórsdóttir

​Sýningin var haldin í Þjóðleikhúskjallaranum þann 2. og 3. nóv. 2018, og var hluti af opinberri dagskrá aldarafmælis fullveldis Íslands sjá www.fullveldi1918.is.

Leikritið var frumsýnt árið 1970, sama ár og Rauðsokkahreyfingin var stofnuð. Það fjallaði um um stöðu kvenna á þeim tíma og reyndist mikilvægt innlegg í þá baráttu. María Kristjánsdóttir leikstýrði. Árni Ibsen sagði að hér hafi kveðið „við nýjan tón og hafði ekki áður í íslenskum leikskáldskap verið fjallað jafn eindregið um þjóðfélagslega stöðu kvenna.

Leiklesturinn í Hannesarholti:í mars 2018:

 Leikstjóri: Þórhildur Þorleifsdóttir

Höfundur: Svava Jakobsdóttir

 Leikarar: Anna Einarsdóttir, Arnar Jónsson, Guðbjörg Thoroddsen, Hanna María Karlsdóttir, Jón Magnús Arnarson, Ragnheiður Steindórsdóttir og Sigurður Skúlason.

Verkefnastjóri: Þórunn Magnea Magnúsdóttir

Frumsýnd árið 1983

 "Í verkinu kynnumst við verkfræðingi sem hefur byggt rammgert kjarnorkubyrgi í kjallara húss síns, fyllt það vistum til nokkurra vikna dvalar og krefst þess af konu sinni að þau haldi „lokaæfingu“ í byrginu til að vera fullkomlega búin undir það versta. Með öðrum orðum þá læsa hjónin sig inni til að vera „örugg“ fyrir ímynduðum óvini" 

Leiklesturinn í Hannesarholti í apríl, 2018

Höfundur: Svafa Jakobsdóttir

Leikstjóri Jakob S. Jónsson

Leikarar:  Þórey Sigþórsdóttir, Íris Tanja Flygenring og Valdimar Örn Flygenring.

Verkefnisstjóri: Þórunn Magnea Magnúsdóttir.

eftir Sellu Páls var leiklesið í Hannesarholti þann 22. feb 25. feb og 11. mars 2018.. ​

Leikritið Kvennaráð fjallar um Þorgerði, áttræða ekkju sem var stoð og stytta áhrifamikils manns í fimmtíu ár og nú vill hún breyta til. Samband hennar við einkadótturina, forstjórann Birnu, er þvingað vegna tengdasonarins sem ekkjan grunar um græsku. Er ekkjan fer að taka á eigin málum bregst Birna illa við og ásakar hina víetnömsku heimilishjálp Kim um samsæri. En þegar Birna þarf a glíma við örðugar aðstæður koma móðir hennar og Kim henni á óvart.

Leikstjóri: Sveinn Einarsson. Höfundur: Sella Páls. Hönnuður: Helga Björnsson

Leikarar: Þórunn Magnea Magnúsdóttir, Guðrún Þórðardóttir og Lieu Thuy Ngo. ​Leiklesturinn var styrktur af Reykjavíkurborg.

Sýningin Konur og krínólín var frumsýnd 17. júní 2017 fyrir troðfullu húsi og sló rækilega í gegn. Tvær sýningar fylgdu þann 3. september. Fjórða sýningin verður haldin í lok september 2017.

​Sýningin býður upp á lauflétt innlit í tískuheim liðinnar aldar frá 1890 - 1990. Frá krínólíni til rasspúða, frá efnislitlum Charleston-kjólum til tjull-kjóla í ætt við rjómatertur og konfektkassa, frá „the little black dress“ til Hagkaupssloppsins.

Þær sem taka þátt og eiga hlut í sýningunni eru: Ásdís Magnúsdóttir, Edda Björgvinsdóttir, Elín Edda Árnadóttir, Guðbjörn Thoroddsen, Guðrún Þorvarðardóttir, Helga Björnsson, Ingveldur E. Breiðfjörð, Júlía Hannam, Kolbrún Halldórsdóttir, Kristín B. Thors, Lilja Þórisdóttir, María Reyndal, María Sigurðardóttir, Ólöf Sverrisdóttir, Rósa Guðný Þórisdóttir, Salvör Aradóttir og Vilborg Halldórsdóttir.

Ljóðadagskráin Konur með penna, var flutt kl. þann 4. og 5. desember í Iðnó. María Sigurðardóttir, leikkona og leikstjóri tók saman í tilefni af 90 ára afmæli Kvenréttindafélags Íslands árið 1997. Fjölbreytt dagskrá þar sem fjallað var um nokkrar íslenskar skáldkonur og verk þeirra. Meginuppistaðan í dagskránni voru skáldkonurnar Guðný frá Klömbrum og Ólöf frá Hlöðum, en sagt verður frá ólíkum uppvexti þeirra og lífshlaupi. Ólöf var alin upp í mikilli fátækt, en Guðný á efnuðu menningarheimili, en endaði síðan æfi sína í sárri niðurlægingu eftir að maður hennar hafði yfirgefið hana og ráðstafað bæði börnum hennar og eigum.

Við kynntumst Guðfinnu frá Hömrum og heyrðum hluta úr skáldsögu eftir Kristínu Sigfúsdóttur.

Flytjendur: Anna Kristín Arngrímsdóttir, Rósa Guðný Þórsdóttir, Guðbjörg Thoroddsen, og Sunna Borg

 Leiklestur á nýju leikriti í Iðnó 17. og 18. apríl 2016. Sjáum við fortíðina í raunsæju ljósi?

Á dánarbeðinu ætlast eiginmaðurinn til þess að konan sem ætíð hefur verið honum svo góð fyrirgefi sér. En þegar hún kemst að því hvað það er sem hún á að fyrirgefa er það ekki sjálfgefið...

Höfundur: Sella Páls

Leikstjóri: Þórunn Magnea Magnúsdóttir

Leikarar: Ragnheiður Steindórsdóttir,

Rósa Guðný Þórsdóttir og Haukur Valdimar Pálsson

Gjörningur í Hörpu til styrktar flóttafólki 29. nóv. 2015

Fyrir 2400 árum skrifaði gríska leikskáldið Evripídes leikrit um flóttakonur, Trójudætur, sem á ískyggilega mikið erindi við samtímann. Gjörningurinn í Hörpu var byggður á þessum forna harmleik til styrktar flóttafólki dagsins í dag. Aðgangur var ókeypis en áhorfendur voru hvattir til að styrkja Rauða krossinn sem var á staðnum  með söfnunarkassa.

Fram komu: Helga E. Jónsdóttir, Lilja Þórisdóttir, Bryndís Petra Bragadóttir, Guðrún Þórðardóttir, Kolbrún Erna Pétursdóttir, sem allar léku í sýningunni í Iðnó 1995, ásamt leikkonunum Önnu Kristínu Arngrímsdóttur, Esther Talíu Casey og Álfrúnu Helgu Örnólfsdóttur, Margréti Friðriksdóttur 8 ára og Friðriki Friðrikssyni. Björk Jónsdóttir, Signý Sæmundsdóttir og Jóhanna Þórhallsdóttir fluttu tónlist Leifs Þórarinssonar við trommuslátt Stínu Bongó. Búningar: Helga Björnsson. Hreyfingar: Lára Stefánsdóttir. Aðstoð: Þórhallur Sigurðsson.

Ljóðin hennar Vilborgar Dagbjartsdóttur  22. og 23. mars 2015 í Iðnó

„Við erum að leika okkur að ljóðunum hennar Vilborgar Dagbjartsdóttur,“ segir Þórhildur Þorleifsdóttir leikstjóri sem ætlar að stjórna leikdagskrá í Iðnó á sunnudaginn. Þar verða, auk hennar, sjö konur úr hópnum Sviðslistakonur 50+ og tvær tónlistarkonur að auki.

„Það er alls ekki þannig að hver konan af annarri standi upp og lesi ljóð heldur eru þau sungin og brotin upp og flutt með margvíslegum hætti,“ lýsir Þórhildur og segir skáldið Vilborgu ekkert skipta sér af flutningnum.

„Þetta er samt allt gert með hennar góðfúslega leyfi og hún mætir örugglega ef hún getur.

Þessi viðburður heitir á fésbókinni Vilborgargjörningur en Þórhildur kveðst leggjast gegn því nafni.  "Mér finnst það svo ó-Vilborgarlegt," segir hún.  Við köllum bara dagskrána Enn hefur mig dreymt.“

Flytjendur eru Edda Þórarinsdóttir, Bryndís Petra Bragadóttir, Jórunn Sigurðardóttir, Ólöf Sverrisdóttir, Salvör Aradóttir, Vilborg Halldórsdóttir og Þórunn Magnea Magnúsdóttir. Tónlistin er eftir Jóhönnu Þórhallsdóttur söngkonu sem flytur hana ásamt leikkonunum og Arnhildi Valgarðsdóttur tónlistarkonu. Leikmynd og búninga gerir Rebekka Ingimundardóttir.

Frumsýning á Enn hefur mig dreymt verður klukkan 17 á sunnudag og önnur sýning er klukkan 20 á mánudaginn, 23. mars.

„Þarna koma saman sér til skemmtunar konur sem eru yfir fimmtugt – skuggaverur samfélagsins,“ segir Þórhildur sposk. „Ég get lofað því að þær verða öðrum til skemmtunar líka.“

Leikhúslistakonur 50 plús kynna: "svo grætur garðurinn laufi", ljóðakvöld í Iðnó

Edda Þórarinsdóttir, Guðlaug María Bjarnadóttir, Lilja Þórisdóttir, Ragnheiður Steindórsdóttir, Rósa Guðný Þórsdóttir og Vilborg Halldórsdóttir flytja ljóð Nínu Bjarkar Árnadóttur, ásamt tangóhljómsveitinin Mandólín, sunnudaginn 14. febrúar kl. 17 og mánudaginn 15. febrúar kl. 20 í Iðnó.

Leikstjóri: Þórunn Magnea Magnúsdóttir

Leikmynd og búningar: Helga Björnsson. 

Sjá viðburðinn á Facebook hér https://www.facebook.com/events/1961811240709652/?active_tab=discussion&locale=is_IS

13. okt. 2014 í Iðnó

Ljóð eftir Þórunni Magneu Magnúsdóttur, Guðlaugu Maríu Bjarnadóttur og Vilborgu Halldórsdóttur

Höfundar fluttu ljóðin